Retour au sommaire      

                                                       Mes coups de gueule!

 N°8: Pétrole et chomache

         car_01.jpgBonjour mes gins , j'cros bien que ch'coup-chi y a pus rien qui va! In preume, in z'allons parler de ch'pétrole: in acoutant ch'posse, in s'rind compte qu'nous z'hommes politiques i s'foutent bien d'nous, j'm'esplique: ch'fameux baril ed pétrole i coûte ed pus in pus querre, cha in n'y peut pont grand'cosse vu qu'ch'est l'OPEP* qui fait cho qu'al veut. Mais dù qu'cha coinche , ch'est quand in intind qu'in pourrot rouler aveuc du carburant naturel (huile ed colza, par eximpe) ou bien aveuc ein procédé américain qui prind l'hydrogein-ne dins l'iau.  Seul'mint, voilà, cha n'est pont permis par l'gouvernement: pinsez donc, l'TIPP** et l'TVA, cha rapporte trop gros! Et cha va cor pus loin: malgré des demindes pour autoriser ches nouviaux carburants.........nous z'hommes politiques doivent s'dire "i est urgent d'attinte"!

 

Une idée lumineuse du Ministre des Transports: c'est le client qui paiera la hausse du carburant! Qui dira encore que nos z'hommes politiques ne s'occupent pas de nous?

constru7_1.gif Et pour l'chomache, in atteint des sommets. J'viens d'intinte, à France Bleu Nord, un restaurateur d'Saint Po (Saint Pol sur Ternoise) nous espliquer qu'i n'avot qu'ein' imployée dins sin restaurant, mais qu'al est partie in li espliquant qu'al gagnot plus à n'pont travailler qu'in étant dins ch'resto: i a pont d'quoi in querre dsus l'cul?

Et ein Béthunois qui s'in allot travailler à Montpellier aveuc, à la clé, ein' prime d'éloign'mint de 1 900 €, mais i n'va in toucher qu'ein' partie, l'resse li séra versé à la fin d'sin stache et i posot l'question: "Ch"déménageux, j'vas l'païer comint?"

Et ein' dame, qui avot travaillé pour l'bâtimint, al demandot pourquoi ch'étot si dur d'trouver des ouvriers qualifiés et al peut pont croire qu'in France, i n'y a pus d'ouvriers. Al a donné s'n'esplication: commint qu'des jon-nes, qui ont vu des ouvriers broyés à chinquante ans, i z'érottent invie d'travailler? Et tout à l'av'nant!

Mi j'vous l'dis, mes gins, j'a peur pour tous ches jon-nes qui vont intrer dins l'monte du traval, com-me si i n'avot cor, du traval.

 

* Organisation des Pays Exportateurs de Pétrole    

** Taxe Intérieure sur les Produits Pétroliers