|
Ch’pitit
sapin d’Noë
Ch'est
l'histoire
d'ein pitit
sapin qui
rêvot
d’grandir
pour pouvoir
aller à
mon d’ches
Hommes dù
qu’i pourrot
servir éd’sapin
d’Noë.
Les autes
z’apes,
plus viux,
qui z’avotent
ein’ pus
grante espérience,
i z’i ont
espliqué
qu’cha n'étot
pont si
bien qu’cha.
Mais ch’pitit
sapin, qui
n’voulot
pont accroire
ches anciens,
i n’a pont
attindu
bien longtimps!
Com-me d’effet,
pour sin
plus grand
plaiji,
des éfants
i sont vénus
avec leus
parints
cujir ein
sapin pour
embellir
ch’salon.
Ches enfants
i z’ont
eu l’cop
d’foute
pour ch’pitit
sapin.
I a été
copé,
pis im-m’né
dins l’salle
ed séjour
d’ches parints
et d’ches
éfants
et là,
i a été
imbelli.
A la fin
dé
l’décoration,
ch’pitit
sapin i
brillot
ed mille
fux. Noë
i s’rapprochot,
tout l’monte
i admirot
ch’sapin..
Ch’jon-ne
sapin i
pinsot :
"Tous
ches grands
sapins i
z’avottent
tort"
et i arléva
ses branques
pour qu'i
seuche admiré
incor plus.
Jusqu'à
janvier,
i trôna
dins
ch’salon,
mais i a
comminché
à
perte ses
aiguiles.
Pus personne
i l’ravisot,
ou l’touchot
ou meim-me
n’ramassot
ses pitites
aiguiles.
Pis, quèques
jours pus
tard, tout
l’famile
al a décidé
de l’mette
dins ch’garnier.
Ch’sapin
i a comminché
à
d’vénir
trisse et
à
argretter
d'avoir
été
cuji.
Au bout
d’quèques
mouos d'attinte
qui li ont
paru ein’
éternité,
ch’sapin
i a été
arplanté.
Que joie
pour li
d’artrouver
s’bon-ne
vielle terre
fraîche
qui li avot
tant manqué
pindant
ches longs
mois dù
qu’i étot
resté
infreumé
dins ein
garnier!
Mais d’un
seul coup,
i a compris
que s’famile
al l'avot
laiché
dins ch’garnier
pour qu'i
n’gèle
pont ou
qu'i attrape
pont frod.
Comme
cha, tous
les ans,
in l’déterrot
pour l’armette
dins ch’salon.
I a vécu
bénache
dins s’famile
d'Homme.
Et ouais,
final’mint,
ches grands
apes i z’avottent
tort, ches
Hommes i
sont bons
et i l'ont
rindu heureux.
|
