Mets l'quéniole à cuire  

de Jean DAUBY

1-Un osiau qui s'bilanchot dévant m'feurnièt' m'a dit:

Va t'in vir la vau,

Va t'in vir là vau,

dins l'éteul à viaux.

A m'mod' qu'y ara du nouviau.

Refrain

Mets l'quéniol' à cuire

L'oson à rôtir

Décafot' les gauqu's

Mets tes bellés loqu's

Ch'est Noël à no mason

Noël, noël, noël, noël

2-J'ai mis m'maronne et m'paltot

J'ai mis m'casquette aussi

Et j'min sus dallé (bis)

Comme un dératé

Suir' l'osiau qui'avot parlé

3-j'ai buqué et j'sus rintré

Dans l'éteulette ainsi

Et tout berlusé (bis)

J'ai vu, d'sus foufrain

Tout riant un p'tit quinquin.

4-S'mère avot un caraco

Tout in dintelle d'ichi

Et un écourchué (bis)

In satin broché

Su s'cotron d'vélours broché.

5-J'lieu z'ai donné eun'goyère

Et un oson farci

Du boudin salé

Du boudin chucré

L'infant m'a souri

J'ai dit: à r'voir et merci.