Vocabulaire de la maison

Nou mason al a ein toit arcouvert ed pannes (tuiles) ou d'ardoisses, al porte ein' ou deux queminées (cheminées), ein' antein-ne ed télé et, des fouos (des fois), ein' parabol' pour raviser (regarder) ch'foteballe.
Al a grammint (beaucoup) d'farnêtes (fenêtres) aveuc des biaux (beaux) rideaux.
El iau d'pleuffe (l'eau de pluie) al queurt (court) dins ches nochères (gouttières).
D'vant (devant), y a souvint ein carpion (trottoir) intouré d'fleurs (des rosses, des pion-nes ou pivoines) ; par darrière, dsus l'pelousse, in treuffe (on trouve) ein' pair' d'apes (arbres) : du séhu (sureau), un goguier (noyer). Dins ch'gardin (jardin), in cultife des porions (poireaux), du pouillu (thym), des salates, des navieaux (navets), des pos d'chuque (pois de sucre ou haricots verts), des pétotes (pommes de terre), des z'haricots, dé l'salle (de la sauge) et pis grammint d'fleurs.
In hiver, el neiche (neige) al arqueuffe (recouvre) tout, à ches nochères, y a des candillettes (glaçons) qui pintent (pendent). Ches jon-nes (les jeunes) i s'in vont déglicher (glisser) ou bien s'garotter (se bombarder) aveuc des boules ed neiche.
Intrez (entrez), mes gins, ch'couloir i nous mein-ne (mène) à l'salle à minger aveuc, au mitant (au milieu), ein' belle tape (table) et ses caïelles (chaises). Dins ch'l'amare (armoire), l'maîtresse d'mason al rinche (range) s'vestrie (sa vaisselle).
Dins ch'salon, l'télé al trône et d'vant y a l'tape basse pour poser ches verres, quand ches invités i boitent (boivent) ein cop (un coup) : pour ches z'hommes, cha séra ein' bière et pour ches femmes, ein verre d'douche (boisson peu alcoolisée).
Y a souvint ein' bibiothèque (bibliothèque) et des biaux lifes (livres) et ches cates (cadres) aveux ches photos des z'éfants, de ch'mariache (mariage) d'ches parints et, quèque fouos (quelquefois) ches taïons (les grands-parents).
Achteure (maintenant), vénez vir' (venez voir) ches champes (chambres). L'lit d'ches parints (parents), i est arcouvert d'un biau édredon, aveuc ein cavet (traversin). Dins l'garde-robe (garde-robe), in conserfe ches draps d'lin, des couvertes (couvertures), ch'linche (linge) ed mason, ches pyjamas et ches quémiches ed nuit (chemises de nuit)..
Ches nénins (les enfants), i dortent (dorment) souvint insempe (ensemble), files et garchons séparés. Ch'dernier i dort dins ein berche (berceau) et, quand i est elvé (levé), s'man-man al met dins sin cadeau (petit fauteuil) ou bien i s'amusse avec sin bidet d'bos (cheval de bois).
Et pis, y a l'cuisine, là ch'est l'royaume de l'patronne ! Dins ch'nord, in minche (mange) souvint à l'tape ed cuisine, tous insempe. Pour ch'menu, allez faire ein tour du côté d'ches recettes d'Cathy : frites, hochepot, moules et tartes à l'cassonate, j'in passe et des fort bon-nes ! Tout cha, ch'est cuit dins des potreulles (récipients métalliques) : païelles (poêles), caudrons (chaudrons) et castroles (casseroles). In sert el soupe aveuc ein' poulouche (louche) et in rassaque (retire) les légumes aveuc ch'l'équeumette (ches légumes, ch'est du rassaquache). Dins ch'tiroir, in rinche ches coutiaux (couteaux), ches cuillers et ches fourchettes.
D'toute façon, o sérez toudis (toujours) bien archus (reçus) amon (chez) d'ein ch'ti.

Vocabulaire à l'extérieur

Et si in allot faire ein tour déhors ? I est vrai qu'dins nous coin, i fait pas toudis biau, mais ch'Nord i vaut vraimint l'cop d'oeul (coup d'oil). Dins ches rues, achteure (maintenant), in treufe des boutiques : el boulangerie, el bouch'rie, ch'l'épic'rie, ch'marchand d'lifes (libraire). Mais, grammint d'boutiques al ont disparu: ch'maréchau (maréchal ferrant) à causse qu'y a pus d'bidets (chevaux), ch'gouyer (cordonnier) pasqu'in acate des cauchures (chaussures) qu'in n'peut pont arparer (réparer), ch'peinte (peintre) qui vindot (vendait) s'peinture au détal (au détail). Et ches épic'ries d'dins l'timps (autrefois), ch'étot quèque cosse (quelquechose) : de ch'seul (seuil), t'in prénot (prenait) plein tin nez, cha sintot (sentait) l'café, l'moutarte, l'pain d'épices, el chire (la cire), l'rhum. Là, té pouvos acater ein verre d'moutarte, ein pinton (quart de litre) d'rhum, chint (cent) grammes ed biscuits, des boulettes (bonbons) ein' par ein', ein' demi-life (demi livre) ed café, du vrai, pont l'pistrie (qualité médiocre) comme dins ches supermarqués (supermarchés) !
Rassurez-vous, mes gins (mes amis), in n'va pont querre (tomber) dins les ramintuv'ries (souvenirs), mais l'vie d'avant al avot du bon, in étot fin bénaches (heureux) et jé n'pouua pont résister. In z'allons continuer nou pitit tour. Ches rues d'achteure, al sont bien droites, arcouvertes (recouvertes) ed goudron, aveuc des biaux carpions (trottoirs) tout propes et des lampadaires pour vir' (voir) clair au soir. Mi, j'a connu min villache (village) jusse (juste) après el guerre 40. El route, in dijot pont cor (pas encore) el rue, ch'étot (c'était) de l'terre battue et j'vous raconte pont l'état après ches pleufes (les pluies) : cha déplaquot ( la boue collait), l'iau al courot (courait) dù qu'al pouvot et, in rintrant à l'mason, min frère et mi in s'faijot souvint changler (coups de ceinture sur les fesses) vu nou état ..général ! Y avot moins d'masons et, inter'deux (entre'deux), y avot des camps (champs), des gardins (jardins) et des voïettes (sentiers). Ches jon-nes, i z'étotent (étaient) toudis déhors pour juer, aller à l'maraute (maraude) ou bien grimper dsus ch'terri pour rassaquer (retirer) des grimions (petits morceaux de charbon) sans s'faire attraper par ch'garde (garde des Houillères).Tartous (tous) i z'avottent querre (aimaient), s'trond'ler (se rouler par terre), s'camucher (se cacher), juer aux mapes (billes), à l'guisse aveuc ein' vielle (vieille) boîte d'conserfes - l'équivalent du base-ball-. Dins gramint d'jux (jeux), ch'premier i étot tiré à l'buquette (courte paille).
Achteure, y a des ouvriers d'la ville in camion pour nettier (nettoyer) ches rues, dins l'timps i n'y avot qu'un cantonnier qui faijot sin possipe (possible) aveuc s'pelle, s'pioche et s'fauchille (faucille).
Pour finir, quèques mots d'nou temps : i peut faire caud (chaud), frod (froid), douche (doux), in dit " ch'temps, i est à l'cour ! " quand il fait mauvais. Si i pleut, in dit i pluvine (pleuviotte), i barzile (bruine), i pleut à dac (à seaux). I peut aussi querre des neiches (neiger), des glaches (grêlons) ou rimer (gelée blanche). I peut fair' ein vint d'sot (grand vent) à décorner ches bous (boufs). N'vous épeutez (affreyez) pont, dins ch'nord i fait aussi du solel (soleil) et in peut mein-me bisir (bronzer)! Et, comme qu'in dit par ichi (par ici), l'air al est forte. Bon-ne météo et milez (surveillez) vou garnoulle (grenouille) !

Vocabulaire dire et faire

Une précision : il s'agit du chti parlé dans le bassin minier et il existe de nombreuses variantes de prononciation, en particulier dans les communes rurales. Plus de renseignements seront donnés par Fernand qui compare les différents parlers.

A. Commint dir' ?

Bonjour : salut fieu (bonjour fils), cha va tin ju ? (comment vas-tu ?), que nouvelles ?
au revoir : à dé (adieu au sens d'au revoir), à tourate (à bientôt), à bétôt (à bientôt)
par politesse : j'm'escusse, faijez pont attention (ne faites pas), o séraitent-i assez aimape (seriez-vous assez aimable), o m'armettez ? (vous me reconnaissez ?), je n'voudros pont étriver (je ne voudrais pas soutenir), j'voudros bien (je voudrais bien), cha sérot-t-i un effet d'vou bonté ( cela serait-il.), j'vous armercie (je vous remercie).
ses sentiments, son état : j'sus bénache (content), mag'mint (mécontent), calape (malade), fraîque (mouillé), in rache (en colère), à l'ducasse (à la fête, content), j'appréhinte (j'appréhende, je redoute), j'attinds (j'attends), j'm'arcrinque (je me redresse par fierté)
du bien d'quéqu'un : ch'ti là, ch'est ein braffe (c'est un courageux), i est tère (tendre), amiteux ( sensible à l'amitié), s'fein-me ( sa femme) al est bellotte (jolie), al a grammint d'courache (très courageuse), al dégoisse pont dsus z'autes (elle ne dit pas de mal)
du mau (du mal) : que abrandoulle, que agosil ! (abruti), que crignu ou crignutte! (mauvais caractère), ché ein incapape (incapable), un fate (fainéant), ein méquant ou ein' méquante (méchant ou méchante), ein malagréape (malpoli), ein pourcheau ( un porc qui travaille salement), ein' pizinque (fille méchante), ein aïche ou ein archelle (un remuant), ein grignard (pleurnicheur) ; j'arrête ichi, sinon o z'allez accroire (croire) qu'dins ch'Nord, in est autermint (autrement) qué z'autes !

Dehors : j'travale, j'm'arposse, j'fais min gardin, j'clo ein' planque (je cloue une planche), j'arrinche min vélo (je répare), j'étrame de l'palle (j'éparpille), j'haïonne ein' branque (je secoue une branche), j'vas rond'ler m'pelousse (je vais passer le rouleau), j'démarie mes carottes (j'éclaircis), j'vas mut'ler mes pétotes, mes pim-mes ed tierre (buter mes pommes de terre), arpiquer mes porions (repiquer), ébranquer ches apes ou ch'l'haïure (ébrancher les arbres ou la haie)
à la maison : j'imbronque el viande ed moutarte - cha, ch'est pour Cathy- (je badigeonne), j'pinds ou j'dépindsein cate (j'accroche ou décroche un cadre), j'artapisse (je retapisse), j'armets ch'porget in couleur (je repeins la petite porte), j'cope des briffes (je coupe des tartines)
El lisse al est lonque (la liste est longue), mais " duch'mint va loin " et nous publierons régulièrement des aide-mémoire sur des sujets donnés ou à votre demande.