|
Un rédeux
Tatave, né natif ed Picardie, y en o achteure à peu preu
quarante chonq ans, ch'est in rédeux, et pis in boin. Pus rédeux equ'li, j'e'n
sè point si y en o. In plus, ch'est in boin vivant, y n'feut point n'i in
proumette, surtout à boère.
Un bleu jour, i n'avouot tellemint bû, pis des
boènes toinées, long qu'un bout d'el série, aveuc des bouos sans soué comme li,
qu'i n' voueyouait pu l'jour ed djideu s'Mobylette, ch'est elle qu'al lé
djidouait ; seulmint eune Mobylette, cha n'est mi fiabe comme un bidet, no gars
i torve à geuche deux tchilomètes edvant sin cmin, al chucrerie, lé vlo tcheu du
heut en hos d'ech treu à bettraves, qu'à louait hié chonq mètes. Creuyez lé si o
volez, y o un bon Diu pour chés poits à I'goute Io, i n's'o seulmint point
affolè.
Quant i l'étouait plot, y n'aimouait point ch'l'école. Ech'
marister, putôt qu'éd' s'épineu alentour éd'li, sans tête seur éd'n'in foère
quique-ça-quoi, i aimouait miu li foère inmtier ses glènes pis ses lapins, o
bien déteuper in molé dins sin gardin. I disouait, "ch'beudet Io, pis qu'i
n'apprinds rien, veut miu qu'i seuche brucher d'ses mains, rneume si ch'n'est
qu'in brousseu, i porro toujours guégner sin pain pis s'n'héreng peu
terd".
Tojors z'est-y qu'à quarante chonq ans, achteure qui feut
d'l'instruction pour butcher, pi meume, étou, pour né rien foère, no rédeux y
s'értrouve quasimint sul tchu. Vu qu'i n'sé point lire eune cope ed'lettes
attatchès insanne et pis qu'tojours i'lé disouait : "Mi. j'e n'sé point lire.
ecmènt qu'éch' frè quant'ej s'ro tout seu ?". A forche de l'intènde, j'ai yeu
l'idée d'li foère apprinde à lire.
Un ceup par s'maine, tous les mercredis,
quant chés plots i sont à leu mouaison, li, i vo à l'école. A cho'tabe, i su des
gouttes comme des crottes ed coéchon.
Un bleu jour, i z'étouai't, apreu di
tchinze el'çons. Ch'o feume a l'i d'mande ed lire edvant mi pour que voèche chés
efforts qu'i avouait fait. I c'minche, aveuc bié du mau "hache", "beche"... Pi
lé v'lo in cronque ed'sus ch'mot qui v'nouait darrière, mais a'n sortouait
point. I répétouait ez'eutes mais à chaque ceup, i blotchouait su ch'mot leu, a
n'allouait point. El feume al lé soufflouait in molé, rien à foaire. Al'i dit :
"Ch'est in animal", rien à fouaire ; " i vit n'din ché bos", non, qu'i l'y
répond. "j'e'n trouve point". I c'minchouait à s'greumeler. ej vouyait
qu'allouait mal finir. J'em'dis, i n'y a point à tortigner, i feut qu'i lé
saque.
Li qu'étouait matchè d'quachei j'l'i souffle : "ch'est in'ne bête éd
quache". Austôt intindu, bos pis quache, i saque ech mot "biche" !. "Bien" qu'al
i dit el feume.
Pi li, aussi sé, i l'y r'claque: "Ouais, mais j'ai yeu
d'o'chan-ce, pasque dins ch'bos. érouot peut ête in sanglieu!".
Jacques Berthe
|
affolé : blessé |
brucher : travailler |
|
s’épineu : s'impatienter |
brousseu : faire sans soin |
|
in-ratier : nettoye |
r greumeler : ronchonner |
|
