Retour à Nouzautes

Poémes du Chti Cartouche

 Écrire

Suivants
 

 

 

 

 

MIN PAUF’ PAYS

min pauf' pays vla qu'à ch' t' heure
in t'salis in bafoue t' n' honneur
après chés hooligans parisiens
ch' t'un magistrat qui fout l' brin

à les intinde in serot des rustres
toudis prêt à grimper à ch'lustre
avec les tchiots infants d'nos visins
après avoir bu de l'bière ou du vin

faut-y qu'y t' connaich'tent si mal
un pays si chaleureux si convivial
du qu'chés gins sav'tent donner
ed' leur temps et leur amitiés

si t' étot vraimint un pays ed' sauvaches
aros-tu fais naîte autant d' personnaches
des De Gaulle, Alain Decaux, Albert Calmette
Jean Perrin, Edouard Lalo, Auguste Mariette

et l' liste serot trop longue à écrire
y arot tellemint ed' choses à dire
j' méprise chés laches qui t'ont sali
j' te garde dins min coeur, min bieau pays


FIER D’ETRE UN CH’TI MI
Mi j’ai gramint voyagé
Ed gauche à droite ed tous cotés
Et même à l’étranger
Mais in a biau tournicoter
Y a eune chosse qu’in oublie jamais
Ch’est l’indrot du qu’in est né
Ch’est l’pus bieau ed tous les pays
Et mi j’sus fier d’être un cht’i mi
Intre chés corons et chés terrils
Ch’est dins ch’coin là qu’j’ai grandi
In avot pas gramint d’sou à m’maison
Mais s’qu’in avot in l’avot gagné
In avot pas p’t’ête pas des millions
Mais au moins in avot not’fierté
A ch’t’époque là in avot tertous du boulot
El chomache personne n’in voulot
In armontot ses manches ed quemiches
In laissot pas l’gardin in friche
Et si in connaissot un malheureux
In ne l’laissot pas tout seu
Y avot toudis un reste ed ragout pour li
Eune tasse ed café ou un bon demi
Eune plache au coin de ch’feu
Quand y n’avot pour un n’avot pour deux
A ch’t’heure si tout y a cangé
Y a eune chosse que j’sais
Ch’est qu’un ch’ti mi li y cange pas,si ch’est un vrai
Dins sin cœur y a eune flamme qui s’éteindra  jamais          
 

 BIERLAIR René dit Cartouche